Panata Acara Basa Sunda

PANATA CALAGARA MAULID NABI MUHAMMAD SAW

Assalamu’alaikum wr.wb

Puji sinareng sukur hayu urang panjatken ka Alloh nu Maha Gopur, anu parantos maparin ni’mat ka urang sadya. Solawat sareng salam mugia ngocor ngagolontor ka jungjunan urang sadaya Nabi Muhammad SAW.

Sim kuring ngahaturken nuhun ka hadirin sadaya anu parantos kersa sumping  di ieu acara.

Mangga urang buka baẻ ieu acara ku sami-sami maca Basmallah.

            Parantos janten hiji kabiasaan, saban kaping 12 Rabiulawwal urang sadaya sok miẻling Maulid nabi Muhammad SAW. Dina danget ieu urang sadaya nuju ngayakeun kagiatan miẻling Maulid Nabi. Maksadna mah urang sukuran ka Alloh SWT yẻn urang parantos leupas tina kabodoan, jaman jahiliyah sakantenan ngẻbrẻhkeun pangajẻn ka kanjeng Nabi Muhammad SAW anu parantos bajoang ngorbanken jiwa sareng raga ngalawan jalma-jalma anu kafir ka gusti Alloh.

            Dupi runtuyan acara nyaẻta :

1.      Bubuka

2.      Galindengna ayat suci Al-Qur’an

3.      Aosan solawat ti murangkalih santriyat Ponpẻs An-Nur

4.      Biantara ti pupuhu Ponpes An-Nur

5.      Da’wah islami ti Ust. Yusuf Mansyur

6.      Hiburan islami ti Santriyin/santriyat Ponpes An-Nur

7.      Do’a

8.      Panutup

Supados teu nyangkolong teuing kana waktos, mangga ayeuna urang lajengkeun kana acara nu kadua, nyaẻta galindengna ayat suci Al-Qur’an anu badẻ didugikeun ku sadẻrẻk Ani Nuraẻni, ka sadẻrẻk Ani dihaturanan.

Parantos kakuping ku urang sadaya galindengna ayat suci Al-Qur’an, mugi-mugi urang sadaya aya dina panang-tayungan Alloh SWT.

Urang lajengkeun kana acara nu ka tilu nyaẻta aosan soawat ti murangkalih santriyat Ponpẻs An-Nur, ka santriyat Ponpẻs An-Nur mangga dihaturanan.

Urang sadaya parantos rẻngsẻ ngupingkeun aosan solawat ti santriyat An-Nur.

            Urang lajengkeun deui kana acara nu ka opat nyaẻta biantara ti pupuhu Ponpẻs An-Nur anu badẻ didugikeun ku kersana bapa Drs. H. Abbas Mm, mangga dihaturanan.

Htur nuhun ka pupuhu Ponpẻs An-Nur anu parantos ngadugikeun biantarana.

Acara nu salajengna nyaẻta acara nu diantos-antos ku urang sadaya Da’wah islami anu bade didugikeun ku kersana Ust. Yusuf Mansyur, mangga dihaturanan.

Acara inti parantos rẻngsẻ, mugia anu didugikeun aya manfaatna kanggo uarang sadaya.

            Urang lajengkeun kana acara nu ka genep nyaẻta hiburan ti murangkalih santriyin sareng santriyat Ponpẻs An-Nur, mangga dihaturanan.

Acara hiburan parantos rẻngsẻ.

            Para hadirin sadaya, acara demi acara parantos kalakon, ayeuna urang lajengkeun kana acara anu henteu kirang pentingna nyaẻta do’a anu badẻ didugikeun ku sadẻrẻk Dadan Hamdani, ka sadẻrẻk Dadan dihaturanan.

Hatur nuhun ka sadẻrẻk Dadan anu parants ngadugikeun do’a tutup.

            Para hadirin sadaya, alhamdulillah sadaya runtuyan acara parantos kahturkeun kalawanlulus banglus. Upami seueur kakirangan sim kuring salaku panata calagara nyuhungkeun dihapunten. Hatur nuhun ka sadayana pihak anu parantos ngajorong kana ieu acara, mudah-mudahan ka payun mah urang tiasa ngadamel acara anu langkung saẻ ti kieu. Mudah-mudahan urang sadaya tiasa tepang deui taun payun dina acara anu sami.

Mangga urang sami-sami pungkas ieu acara ku sami-sami ngucapkeun hamdallah.

            Wassalamu’alaikum wr. wb